Qendra "Fëmijët Sot" (QFS) është një organizatë shqiptare jofitimprurëse e themeluar në vitin 2007. Synimi për të cilin u krijua QFS është të përmirësojë jetën e fëmijëve shqiptarë. Në këtë mision, QFS është plotësisht e angazhuar dhe e gatshme të bashkëpunojë me aktorë vendas, rajonalë e globalë.



Ne besojmë se fëmijët janë e tashmja e vendit dhe i konsiderojmë ata si faktorë të aftë të zhvillimit të shoqërisë. Për këtë, ne punojmë për pjesëmarrjen e tyre aktive në çështje që ndikojnë në interesat dhe të drejtat e tyre. Prioriteti i punës së QFS janë fëmijët e varfër dhe/ose në nevojë.

Objektivi ynë statutor është të punojmë për një botë ku fëmijët të jenë të aftë të realizojnë plotësisht potencialin e tyre.