Studime e Botime

Botim i Qendres "Femijet Sot" ne kuader te "Javes Evropiane" ne Tirane

Ky raport është rezultat i një rishikimi të literaturës së botuar nga organizata jofitimprurëse vendase e ndërkombëtare, konsulentë dhe akademikë. Ai synon të shërbejë si një dokument bazë dhe themel për krijimin e strategjisë së Qendrës “Fëmijët Sot”. Ne do të ishim të kënaqur nëse ky botim do të shihej me interes nga praktikues dhe akademikë jo të angazhuar me Qendrën “Fëmijët Sot”. Shqyrtimi synon të jetë gjithëpërfshirës, edhe pse në asnjë mënyrë nuk mund të jetë shterues.

Botimi “Higjiena në zonat informale dhe parandalimi i sëmundjeve infektive” është realizuar në kuadër të zbatimit të projektit “Promocioni i higjienës dhe aktivitete ndërgjegjësimi mbi parandalimin e parazitozave në zonat rurale të vendit”, zbatuar gjatë periudhës janar – qershor 2008. Ky botim vjen në radhën e revistës seri të Qendra Fëmijët Sot. Ky botim synon të shërbejë si një material referues për programe shëndeti dhe higjiene të zonave informate, që mund të hartohen në të ardhmen në nivel kombëtar. Studimi mund të donwlod në linkun e “Botime dhe Studime”, në programin PDF, gjuha shqip.

Botimi periodik i Qendrës "Fëmijët Sot", revista nr. 1, është një studim që analizon Legjislacionin Shqiptar mbi pasqyrimin e pjesëmarrjes së fëmijëve. Ky studim realizohet në kuadër të promovimit të pjesëmarrjes së fëmijëve në proceset vendimmarrëse.

QFS bazuar në ekspertizën dhe eksperiencën e saj, gjatë periudhës Maj – Qershor 2008, zhvilloi studim e kurrikulës së ciklit të ulët dhe të lartë (9-vjeçar) në lidhje me përfshirjen e koncepteve dhe fakteve për integrimin Evropian të vendit. Ky studim bën prezente konceptet demokratike dhe të qytetarisë që tashmë janë pjesë e formimit të brezit të ri në kurrikul.

Materiali është një dokument informativ e përfshin: - çështjet që kanë të bëjnë me fëmijët në Shqipëri; - përmbledhje të gjendjes dhe disa tregues për fëmijët; - paraqitjen e kuadrit të politikave ekzistuese në vend për fëmijët dhe politikave të QFS. Së shpejti Qendra do të botojë një studim më të plotë mbi gjendjen e fëmijëve në Shqipëri bazuar në studimet e aktorëve të ndryshëm që punojnë për çështjet e fëmijëve në vend si dhe dokumentet e ndryshme ligjore dhe politikat e miratuara nga qeveria shqiptare për fëmijët.